Gleðilegt ár kæru gildisskátar og takk fyrir það gamla. kveðja, Guðni gildismeistari

Aðalfundur St. Georgsgildisins í Hafnarfirði verður haldinn fimmtudaginn 10. mars kl. 20 í Hraunbyrgi. Auk hefðbundinna aðalfundarstarfa ætlar Gunnar Svavarsson, formaður stjórnar nýs Landspítala, að segja okkur frá því sam þar er að gerast í máli og myndum. Gunnar er gamall skáti og verður formlega tekinn inn í gildið ásamt fleirum á fundinum. […]

Vináttudagur gildisskáta verður í Keflavík á laugardag, 24. október. Hefst dagskrá í Duushúsi kl. 14 og kaffisamsæti að hætti Keflvíkinga verður í skátaheimili Heiðabúa um kl. 15. Boðið er upp á rútuferð frá Hraunbyrgi kl. 13.20. Verð fyrir kaffisamsætið er 2.500 kr. en óvíst er með verð fyrir rútuna en verður þó örugglega hóflegt.

Á fimmtudag, 22. október, kl. 19 verður sameiginleg kvöldvaka gildisskáta og Hraunbúa í Hraunbyrgi. Þetta er liður í auknu samstarfi skátafélaganna í Hafnarfirði og þær sameiginlegu kvöldvökur sem haldnar hafa verið hafa verið mjög vel heppnaðar.

Fædd 3. maí 1927 – látin 23. júlí 2015. Rannveig Ólafsdóttir Það er skammt stórra högga á milli í röðum gildisfélaga í Hafnarfjarðargildinu. Rannveig Ólafsdóttir er farin heim. Hún lést á líknardeild LSH að kvöldi föstudagsins 23. júli s.l. eftir erfið en skammvinn veikindi. Rannveig var fædd í Hafnarfirði og uppalin að Hverfisgötu 23. Hún starfaði við fyrirtæki föður síns, Verslun Ólafs H. Jónssonar er stóð á horni Strandgötu og Reykjavíkurvegar, fram til þess að hún byrjaði búskap með eiginmanni sínum Guðjóni Erni Kristjánssyni í kjallaranum í húsi foreldra sinna við Hverfisgötu. Þaðan fluttu þau með tvö börn eftir tæp [...]

26 mættu í Skátalundi í dag á árlegum tiltektardegi með meiru. Trjáplöntum var plantað, skálinn var þveginn hátt og lágt, pallurinn var skafinn, tré voru snyrt og töluvert af trjám sem höfðu verið felld voru söguð niður í eldivið. Kaffikannan var margnotuð og grillið hitað enda verður fólk svangt þegar vel er tekið á. Börnin léku, sumir púluðu, aðrir kíktu við og veittu andlega hressingu. Gildisskátar voru frá báðum gildunum í Hafnarfirði og allir fóru glaðir heim eftir góðan dag. 26 mættu í Skátalundi í dag á árlegum tiltektardegi með meiru. Trjáplöntum var plantað, skálinn var þveginn hátt og lá...Posted by Skátagildi [...]

fæddur 25. apríl 1931 – látinn 13. maí 2015 Hörður Zóphaníasson Heiðursfélagi okkar, Hörður Zóphaníasson er farinn heim. Hann lést á heimili sínu í faðmi fjölskyldunnar 13. maí sl., 84 ára gamall. Að lýsa Herði er kannski ekki auðvelt en mest áberandi var að hann var sannkallað félagsmálatröll. Hann var virkur svo víða, enda hafði hann mikla réttlætiskennd og vildi með verkum sínum leggja hönd á plóg við að gera heiminn betri. Við skátar nutum svo sannarlega verka hans og var einmitt félagsforingi Hraunbúa þegar ég hóf mitt skátastarf. Hörður naut ávallt mikillar virðingar enda fórst honum öll stjórnun vel [...]

fædd 3. maí 1938 – látin 9. maí 2015 Renate Sörensen Scholz Renate Sörensen Scholz er farin heim. Hún lést eftir langvarandi veikindi laugardaginn 9. maí, daginn sem gildisfélagar söfnuðust saman á landsþingi í Keflavík. Renate var góður gildisfélagi og og starfaði m.a. ötullega að málefnum Friðarlogans ásamt manni sínum, Ásgeiri Sörensen sem lést árið 2009. Renate var glæsileg kona og vann störf sín af alúð en lét ekki mikið á sér bera. F.h. gildisskáta vil ég þakka Renötu fyrir ánægjulegt samstarfi í gegnum árin og votta aðstandendum hennar samúð mína. Renate og Ásgeir eignuðust ekki börn. Guðni Gíslason gildismeistari.

fæddur 30. október 1931 – látinn 25. apríl 2015 Jón Bergsson Enn er skarð rofið í raðir okkar gildisskáta. Jón Bergsson, öflugur gildisfélagi er farinn heim. Jón lést á heimili sínu aðfararnótt laugardagsins 25. apríl. Hafði hann allt til hins síðasta verið virkur félagi og skátastarfið var honum hugleikið. Hann var gildismeistari árin 1985-1987. Í hvert sinn sem ég hitti hann, vikulega á rótarýfundum eða annars staðar, rétti hann ávallt fram vinstri höndina að skátasið og bar skátamerki í barminum með stolti. Það var ávallt ljúft að hitta þau saman, Jón og Dísu, enda voru þau samrýmd í skátastarfinu. Jón [...]