Samkvæmt venju eru mót NSBR haldin þriðja hvert ár, til skiptis í aðildarlöndunum. Reynslan hefur sýnt að það er gefandi að koma saman og það eykur samstöðu okkar á ýmsum stöðum ekki síst í alþjóðasamstarfinu. Það sýndi sig í valinu á Alf Runar Bakke frá Noregi í Alþjóðaráðið á síðustu heimsráðstefnu í Sidney. Hann  verður gestur á mótinu í Horsens 26.-30. júní 2015. Þema mótsins er: „Traditionen tro eller  tro mod tradiotionerne?“ (Lauslega þýtt: Trúr hefðum eða trú á hefðir). Föstudaginn 26. júní 12-16 Koma og skráning. 16.30 Gestir boðnir velkomnir og mótið sett. Kvöldverður, gömul kynni og ný, án dagskrár. Laugardaginn [...]

St. Georgsdagur Skátagildanna á Íslandi verður haldinn sunnudaginn 27. apríl nk. kl. 14 í Björgunarmiðstöðinni v/ Bakkabraut í Kópavogi, í skemmu Hjálparsveitar skáta í Kópavogi. Gengið er inn frá bátahöfninni, yst á Kársnesi. Það er Kópavogsgildið sem hefur umsjón með deginum og býður upp á áhugaverða dagskrá: Fulltrúi frá HSSK tekur á móti gildisskátum og sýnir nýuppgert húsnæðið og segir frá starfinu. Falleg orð: Ásta Ágústsdóttir, skáti og djákni í Kópavogskirkju. St. Georgsboðskapurinn lesinn. Söngur Kaffi og meðlæti (1.000 kr. á mann) Atriði frá gildunum Áætluð slit kl. 16.30 Gildisskátar í Kópavogi vonast eftir að sjá sem flesta.

Það var merkur áfangi í skátastarfi í Hafnarfirði í kvöld þegar rúmlega 30 manns komu saman í Hraunbyrgi til að stofna nýtt skátagildi. Tæplega helmingur voru félagar úr St. Georgsgildinu í Hafnarfirði sem vildi sýna samstöðu sína og stuðning við hið nýja gildi. Mikill áhugi hefur verið fyrir stofnun gildisins og fjölmargir sem ekki komust í kvöld hafa tilkynnt þátttöku sína. Fyrsti gildismeistari var kjörin Harpa Hrönn Grétarsdóttir flugumferðarstjóri. Aðrir í stjórn eru: Andri Már Johnsen varagildismeistari, Guðrún Stefánsdóttir ritari, Ragnheiður Guðjónsdóttir gjaldkeri og Sigmar Örn Arnarson meðstjórnandi. Þeir sem skrá sig í gildið fram á næsta félagsfund verða skráðir stofnfélagar gildisins. [...]